Dagur 1 | 7. September

Við fljúgum til Riga í Lettlandi klukkan 00:45 og lendum þar klukkan 07:20 að staðartíma. Við erum sótt á flugvöll og keyrð á Tallink Hotel Riga. Skoðunarferð um borgina verður klukkan 14:00, annars frjáls tími restina af deginum. Riga er afskaplega falleg borg og margt spennandi að sjá hér, til dæmis eitt stærsta samansafn af Art Noveau og Jugend byggingalist. Gamli bærinn í Riga er á heimsminjaskrá UNESCO og auðvelt fyrir gangandi vegfarendur að komast leiðar sinnar þar.

Dagur 2 | 8. September

Við eigum flug frá Riga til Möltu klukkan 10:45 og áætluð lending þar klukkan 13:25 á staðartíma. Við erum sótt á flugvöllinn og keyrð á hótelið okkar, DoubleTree by Hilton Malta.

Hótelið er staðsett í strandbænum Qawra með fallegu útsýni yfir Miðjarðarhafið og eyjar heilags Páls. Þetta strandhótel býður upp á fjölbreytt úrval veitingastaða, verslana og afþreyingar. Aðeins þriggja mínútna ganga er að aðalstrætóstöð sem tengir gesti við alla helstu áhugaverða staði. Hótelið býður einnig upp á einkastrandklúbb og stórt fundarými fyrir allt að 800 gesti.

Við snæðum saman kvöldverð á veitingastaðnum La Nave Bistro sem er staðsettur innan Möltu þjóðarsædýrasafnsins og býður upp á matargerðarupplifun innblásna af tímalausri fegurð hafsins. Gestir njóta velkomin kvöldverðar með stórbrotnu víðáttumiklu útsýni yfir eyjar heilags Páls, Comino og Gozo.

Dagur 3 | 9. September

Fyrsti heili dagurinn á eyjunni hefst með heimsókn til borgarinnar Valletta, sem var reist af riddurum heilags Jóhannesar á 16. öld og nefnd eftir stórmeistaranum Jean Parisot de Valette.

Heimsóknin hefst við Triton gosbrunninn og fylgt verður eftir með leiðsögn um borgina. Staldrað verður við á Malta 5D þar sem á 20 mínútum er hægt að upplifa litríka og áhrifamikla ferð um sögu og menningu Möltu í 5D.

Því næst verður haldið til St. John’s Co-Cathedral. Dómkirkjan er helguð Jóhannesi skírara og var reist af Reglu heilags Jóhannesar á árunum 1573–1578 að frumkvæði stórmeistarans Jean de la Cassière. Inni í kirkjunni má meðal annars sjá heimsfræga málverkið The Beheading of Saint John the Baptist eftir ítalska listamanninn Caravaggio. Málverkið er 3,7 m x 5,2 m og sýnir aftöku Jóhannesar skírara.

Að því loknu verður farið í nýuppgerða Grand Master’s Palace þar sem hægt verður að skoða ríkissalina með stórfenglegum freskum sem segja frá umsátrinu mikla árið 1565, ásamt Tapestry Chamber og vopnasafni hallarinnar.

Eftir skoðun hallarinnar geta gestir slakað á í Upper Barrakka Gardens og notið eins besta útsýnis á Möltu. Garðarnir, sem áður voru einkagarðar riddaranna, bjóða upp á stórbrotið útsýni yfir Grand Harbour, Þrjár borgir og hafnargarðinn. Þar má einnig fylgjast með hefðbundinni skothríð fallbyssna sem fer fram daglega kl. 12:00 og 16:00 — einstök sjón og frábært tækifæri til myndatöku.

Hádegisverður verður á Valletta Waterfront þar sem hópurinn getur notið máltíðar saman og dáðst að fallegu hafsvæðinu.

Valletta Waterfront er fallega uppgerð göngupromenade frá 18. öld við sögufræga Grand Harbour höfnina. Litfagrar barokkbyggingar hýsa nú fjölbreytt úrval veitingastaða og bara sem bjóða upp á framúrskarandi miðjarðarhafs- og alþjóðlega matargerð í lifandi og notalegu umhverfi. Fullkominn staður til að njóta hádegisverðar með fallegu útsýni yfir höfnina og Þrjár borgir.

Dagur 4 | 10. September

Dagurinn hefst með heimsókn í Mosta Dome, formlega þekkt sem Sanctuary Basilica of the Assumption of Our Lady. Kirkjan státar af þriðju stærstu sjálfberandi hvelfingu heims. Hún gegnir einnig mikilvægu hlutverki í sögu Möltu vegna kraftaverks á síðari heimsstyrjöldinni þegar ósprungin sprengja féll í gegnum þakið og lenti meðal 300 kirkjugesta án þess að springa. Einnig er hægt að skoða loftvarnabyrgi undir kirkjunni.

Frá Mosta verður haldið til þorpsins Rabat og gengið um hefðbundnar götur þess að St. Paul’s Catacombs, þar sem finna má grafreiti frá tímum Púnverja, Rómverja og Býsans, sem eru elstu kristnu minjar Möltu.

Þaðan verður haldið til miðaldaborgarinnar Mdina, oft kölluð „Hljóða borgin“ vegna rólegs andrúmslofts. Borgin á sér 4.000 ára sögu. Gengið verður um þröngar götur, framhjá dómkirkjunni og notið stórfenglegs útsýnis yfir Möltu frá virkisveggjum Mdina.

Dagur 5 | 11. September

Frjáls dagur.

Dagur 6 | 12. September

Dagurinn hefst á torginu í Siġġiewi þar sem barokksóknarkirkja heilags Nikulásar frá 17. öld verður skoðuð.

Næst verður haldið til Ħaġar Qim megalithic-hofanna, sem eru á heimsminjaskrá UNESCO og teljast meðal elstu frístandandi mannvirkja heims, með stórkostlegu útsýni yfir Miðjarðarhafið.

Því næst verður farið að ströndinni við Blue Grotto. Þar gefst kostur á (ef veður leyfir) ógleymanlegri bátsferð inn í hellana þar sem má sjá töfrandi bláan lit sjávarins.

Síðasti viðkomustaður dagsins er litríka fiskimannaþorpið Marsaxlokk, þekkt fyrir hefðbundna luzzu-báta málaða með auga Ósírisar. Þar verður frjáls tími og hádegisverður.

Dagur 7 | 13. September

Gozo, sem hefur verið kosin ein leyndardómsfyllsta eyja heims, er aðeins 25 mínútna ferjuferð frá Möltu og 10 mínútna bátsferð frá Comino. St. Patrick’s Hotel er staðsett í fallegri vík í Xlendi, aðeins 3 km frá höfuðborginni Victoria. Hótelið býður upp á heillandi útsýni yfir víkina og klettana umhverfis. Það hefur 64 herbergi; 20 með sjávarútsýni, 25 með dalútsýni og 19 með útsýni yfir innigarð.

Eftir morgunverð á Möltu verður farið með ferju til Gozo. Við komu til Mġarr-hafnar verður farið á hótelið til að tékka sig inn og skilja farangur eftir.

Seint um morgun verður haldið til höfuðborgarinnar Victoria (Rabat) í hádegisverð og síðan upp í hina glæsilegu Citadella sem býður upp á 360 gráðu útsýni yfir eyjuna.

Síðdegis verður farið til Dwejra Bay á vesturströndinni, þar sem Azure Window stóð áður. Þaðan verður farið í bátsferð frá Inland Sea í gegnum þröng göng út á opið haf.

Seinnipart dags verður haldið til Ta’ Pinu National Sanctuary, tilkomumikillar basilíku í fallegu sveitaumhverfi.

Kvöldið er frjálst til kvöldverðar. Mælt er með kvöldverði við Xlendi Bay þar sem finna má framúrskarandi veitingastaði við sjávarsíðuna sem sérhæfa sig í ferskri miðjarðarhafs- og maltneskri matargerð.

Dagur 8 | 14. September

Dagurinn hefst við Ġgantija hofin í þorpinu Xagħra, sem eru á heimsminjaskrá UNESCO og eldri en bæði Stonehenge og egypsku pýramídarnir.

Því næst verður ekið að Calypso Cave sem gnæfir yfir Ramla Bay og býður upp á stórkostlegt útsýni yfir ströndina.

Síðan verður farið niður að Ramla Bay til að slaka á. Ströndin er þekkt fyrir rauðleitan sand og er stærsta sandströnd Gozo.

Næsti viðkomustaður er Tal-Massar víngerðin þar sem boðið verður upp á vínsmökkun ásamt léttum standandi hádegisverði.

Að lokum verður ekið meðfram norðurströndinni að sögulegum Xwejni saltpönnum.

Country Terrace er notalegur veitingastaður með stórkostlegu útsýni og framúrskarandi matargerð. Þaðan má sjá Mġarr-höfn, Fort Chambrey og eyjarnar Kemuna, Kemmunett og Möltu - hér snæðum við saman kveðjukvöldverð.

Dagur 9 | 15. September

Eftir morgunverð verður tékkað út af hótelinu á Gozo og farið með ferju til Möltu. Við komu verða skipulagðir flutningar frá ferjuhöfninni á flugvöllinn fyrir brottfararflug BT740 klukkan 14:05 til Riga í Lettlandi, áætlaður lendingartími þar er klukkan 18:40 á staðartíma. Frjáls tími um kvöldið í Riga.

Dagur 10 | 16. September

Frjáls dagur þar til við förum áleiðis heim til Íslands um kvöldið.

Við fljúgum til Íslands klukkan 23:00 að staðartíma og lendum heima klukkan 23:55 að staðartíma.