Dagur 1 | 31. Október

Við eigum flug frá Íslandi til Amsterdam klukkan 07:40 og er áætluð lending þar klukkan 11:55. Við gistum í Amsterdam eina nótt og er frjáls tími þennan dag.

Dagur 2 | 1. Nóvember

Við eigum flug frá Amsterdam til Entebbe í Úganda klukkan 10:05. Við millilendum í Kigali, höfuðborg Rúanda, á leiðinni og er áætluð koma til Entebbe klukkan 22:50 þar sem tekið verður á móti okkur og við keyrð á hótelið okkar, Fairway Hotel Kampala. Keyrslan milli flugvallar og hótels ætti að taka um eina klukkustund.

Dagur 3 | 2. Nóvember

Hefjum daginn með morgunverði áður en lagt er af stað í ferðalag um hæðir og te plantekrur á leið okkar til borgarinnar Fort Portal - Kabarole á tungumáli heimamanna. Við munum staldra við og njóta hádegisverðar áður en við endum daginn í Fort Portal þar sem við borðum saman kvöldverð og gistum yfir nótt á Nyaika Hotel.

Ferðalag dagsins tekur okkur um fimm klukkustundir.

Dagur 4 | 3. Nóvember

Hefjum daginn snemma. Við tökum með okkur morgunverð sem nesti og förum til móts við leiðsögumenn okkar sem munu taka okkur í gönguferð um regnskóginn og hlíðar Rwenzori fjalla. Á göngunni munum við njóta þess sem fyrir augu ber, nátturu og dýralífið í skóginum á leið okkar til Nyatiba Camp.

Gangan sjálf mun taka okkur um sex til átta klukkustundir og endum við daginn með kvöldverði í göngubúðum þar sem við gistum yfir nótt.

Dagur 5 | 4. Nóvember

Morgunverður í búðunum og að honum loknum tekur við ferðalag til baka í gegnum skóginn, að því loknu verðum við keyrð til Queen Elizabeth National Park.

Ferðalagið mun taka um fimm klukkustundir og gistum við yfir nótt í Buffalo Safari Lodge. Frjáls tími og afslöppun það sem eftir lifir dags.

Dagur 6 | 5. Nóvember

Morgunverður í búðunum og að honum loknum tekur við safarí ferð um Queen Elizabeth National Park. Í þessari ferð munum við fá tækifæri til að sjá hina fjölbreyttu og framandi fánu dýralífs svæðisins, þar á meðal fíla, ljón og vísunda svo eitthvað sé nefnt.

Seinnipartinn förum við í bátsferð um Kazinga Channel ána/sundið sem tengir saman Lake Edward og Lake George stöðuvötnin. Þessi staður er sérstakur að því leyti að hann er heimili flestra flóðhesta [per ferkílómeter] á heimsvísu, að auki gefst tækifæri til að sjá krókódíla og hinar ýmsu fuglategundir.

Ferðalag dagsins er um tvær klukkustundir.

Við gistum áfram í Buffalo Safari Lodge.

Dagur 7 | 6. Nóvember

Eftir morgunverð keyrum við til Bwindi Impenetrable Forest þjóðgarðsins, skráum okkur þar inn á gististað okkar Buhoma Safari Lodge og njótum síðan frjáls tíma þar það sem eftir lifir dags að undanskildum sameiginlegum kvöldverði. Frábært tækifæri til að safna kröftum fyrir gönguna daginn eftir.

Keyrsla dagsins mun taka um sex klukkustundir.

Dagur 8 | 7. Nóvember

Morgunverður á hótelinu. Við leggjum af stað í göngu dagsins um Bwindi regnskóginn á slóðir górilla. Reynslumiklir skógar-/þjóðgarðsverðir munu leiða okkur inn í skóginn þar sem við munum verja um klukkustund í að fylgjast með hópi af górillum í þeirra náttúrulega umhverfi.

Gangan sjálf mun taka um fjórar til átta klukkustundir, endanleg tímalengd ræðst af staðsetningu górillanna.

Við endum daginn á hótelinu okkar, Buhoma Safari Lodge.

Dagur 9 | 8. Nóvember

Að loknum morgunverði munum við skoða Buhoma Exclusive Camps áður en við höldum til Emburara Farm Lodge. Dagskráin þennan daginn er óvenjuleg og einstök upplifun sem lifir lengi í minni - við fáum að taka þátt í daglegum verkum bænda svæðisins, þar á meðal mjólkun, vökvun og umsjón hjarðar af Ankole nautgripa, sem bera löng og tilkomumikil horn á höfði, á meðan þau eru leidd á beit.

Að loknu gefandi dagsverki förum við til hótelsins okkar, Hotel Triangle þar sem við borðum saman kvöldverð og gistum yfir nótt.

Dagur 10 | 9. Nóvember

Að loknum morgunverði keyrum við til borgarinnar Jinja. Þar förum við saman í notalega og afslappaða bátsferð og munum mögulega sjá framandi dýrin sem kalla hana heimkynni sín.

Eftir að við höfum skráð okkur inn á hótelið okkar, Jinja Nile Resort, er sameiginlegur kvöldverður og frjáls tími það sem eftir lifir dags.

Ferðalag dagsins tekur um fimm til sex klukkustundir.

Dagur 11/12 | 10 - 11. Nóvember

Morgunverður á hótelinu. Eftir að við höfum skráð okkur út af hótelinu verðum við keyrð aftur til borgarinnar Entebbe þar sem við eigum flug klukkan 23:55 til Amsterdam, áætluð lending þar klukkan 06:50 þann 11. Nóvember.

Keyrslan þennan dag í Úganda mun taka um þrjár klukkustundir.

Við eigum síðan flug frá Amsterdam til Keflavíkur klukkan 12:55 þann 11. Nóvember og er áætlaður lendingartími heima á Íslandi klukkan 15:25.