Skoðunarferðir

Verona er ein elsta og fegursta borg Ítalíu og þó víða væri leitað og er hún á minjaskrá  UNESCO. Það má með sanni segja að hún  sé borg menningar, lista en einnig rómantíkur. Verona er heimsþekkt fyrir frægustu elskendur allra tíma, Rómeó og Júlíu, sem Shakespeare gerði ódauðleg í verki sínu. Hús Júlíu og svalirnar frægu  eru enn á sinum stað, einnig höll Scaligeri fjölskyldunnar og þá er hús Rómeó ekki langt frá

Verona varð snemma hluti af hinu mikla Rómarveldi og geymir enn margar stórkostlegar minjar frá þeim tíma. Þekktust er Arenan, hringleikahúsið fræga, þar sem óperusýningar á heimsmælikvarða eru settar á svið undir berum himni á sumrin
 
Í Verona er sagan og listin á hverju horni

Hér eru örfá dæmi um hinar fjölmörgu minjar í Verona sem verða skoðaðar:

•    Arena hið 2.000 ára rómverska hringleikahús við Piazza Bra. Óperusýningar undir berum himni á sumrin.  Einstök upplifun

•    Piazza Erbe er einstaklega töfrandi torg í gamla bænum með fögrum byggingum og líflegum markaði. Hérna var Forum Romanum til forna

•    Piazza dei Signori torgið prýða glæsilegar byggingar ma. höll og íburðarmiklar grafir Scaligeri fjölskyldunnar. Á miðju torginu er stytta af hinum eina sanna miðalda ritsnillingi Dante
Notalegt kaffihús kennt við hann er við torgið

•    Casa di Giulietta húsið hennar Júlíu með svölunum frægu er við Via Cappello og Casa di Romeo, heimili Rómeós er skammt undan

•    Tomba di Giuletta gröf Júlíu, er ásamt Freskusafninu við Via Shakespeare

•    Rústir af Rómeversku leikhusi sem skemmdust vegna flóða sem æddu yfir Verona og eyðilögðu margar byggingar og brýr frá Rómverska tímabilinu

•    Einn af virtustu matsölustöðum Verona, Postularnir 12 (12 Apostoli), hefur látið framleiða fyrir sig Valpolicella rauðvín, sem er tileinkað Sigrúnu Hjálmtýsdóttur, (Diddú) sópransöngkonu. Á flöskumiðanum er mynd af henni og stendur þar: Vín Diddúar
 

Marostica og vinræktarhéraðið Soave

Þessi fallegi miðaldabær er frægur fyrir torgið sitt  sem er í raun risastórt taflborð og eru taflmennirnir lifandi í orðsins fyllstu merkingu og eru skipanir gefnar á máli heimamanna, Venetian. Einnig er Marostica þekkt fyrir keramik framleiðslu. I allri hönnun má finna sterka tengingu við náttúruna bæði í lit og stílum. Í Marostica er að finna mörg litil kermaik verkstæði þar sem hægt er að kaupa skemmtilegar keramik vörur

Kastalinn i Marostica vekur athygli fyrir stærð sína. Fyrst var kastalinn virki en siðan var honum breytt í konungsbústað

Hefðbundin landbúnaður er stundaður um allt Veneto svæðið. I hæðóttu landslagi Veneto ber að líta mjög  frjósamt  umhverfi þar má ma. sjá vínakra og olívutré. Náttúran upp til sveita Veneto héraðs  er mikið augnayndi og einkennandi fyrir vínræktarhéruð Ítalíu. Ítalía er eitt mesta vínframleiðsluland í heimi og á Veneto svæðinu fer fram  stór hluti af þeirri  framleiðslu. Ítölsk víngerð er frábrugðin annarri fyrir þær sakir að vínframleiðendur notast mest við ítalskar þrúgur

Í baka leiðinni verður stutt kynnisferð um vinræktarhéraðið Soave sem er heimsfrækt fyrir Soave hvítvínið. Þetta svæði var nýlega hækkað upp í D.O.C.G. sem er hæsti gæðaflokkur ítalskrar vína

Skoðaður verður kastalinn í Soave og þar smakkað hið fræga Soave vín. Soave er kastali frà miðöldum og tilheyrði Scaligero fjölskyldunni. Var kastalinn í upphafi virki og hefur mikil saga orðið til í kringum hann í gegnum aldirnar. I gegnum tíðina hafi margir frægir menn verið tíðir  gestir í þessum fagra kastala þám. eitt þekktasta skáld Italiu, Dante Alighieri, (1235-1321), en sagt er að hann hafi ferðast til Islands og eftir þá reynslu hafi hann skrifað sitt meistara verk: Hinn Guðdómlegi Gleðileikur
 

Gardavatnið

Gardavatnið er stærsta vatn Ítalíu og er staðsett við rætur Alpafjallanna, svæði sem rómað er fyrir fegurð. Dolomita fjallgarðurinn, skógi  vaxnar hæðir og gróðursælar  hlíðar einkenna svæðið umhverfis  Gardavatnið. Þar má ma. sjá olífutré og vínakra sem auka enn á fjölbreytileika svæðisins auk þess sem lítil forn sveitaþorp verða á vegi okkar

Við munum fara til Sirmione sem er þorp sem stendur á skemmtilegri eyri er skagar út í vatnið við  suð-austur strönd Gardavatns. Þar skoðum við Scaliegro kastala og rómverskar rústir

Komið við í þorpinu Garda  þar er borðað og svo lagt á stað í umhverfi Valpolicella. Komið við i Villa Arvedi  þar skoðaður vínkjallarinn og smakkað vín. Þar er möguleiki að kaupa vín á mjög hagstæðu verði

Að endingu á leiðinni til baka til Verona, er keyrt um undurfagurt vínræktarland, Valpolicella
Gríðarlega falleg náttúra einkennir þetta svæði