Ferðalýsing

17 júlí
Gamli bærinn í Tallinn.
Flogið til Tallinn að kvöldi til í beinu flugi og lent snemma morguns í Tallinn. Farið á hótel.  

Skoðunarferð um borgina eftir hádegi. Tallinn sem er ein allra fallegasta borg Evrópu hefur breyst í nútíma borg með alþjóðlegu yfirbragði á síðustu 10 árum. Þrátt fyrir það eru íbúarnir stoltastir af gamla bæjarhlutanum og er hann sá hluti borgarinnar sem mesta aðdráttaraflið hefur á ferðamenn. Þar eru götur steini lagðar, byggingar frá 11.-15. öld sem hefur tekist að varðveita ótrúlega vel. Hefur Eistlendingum tekist að varðveita í raun allan gamla bæjarhlutann eins og hann leggur sig með því að reisa vegg í kringum hann. Þú ferð úr 21. öldinni beint aftur í miðaldir í sömu borginni.  Getur rölt um sömu  götur, milli sömu kirkna, annarra bygginga og torga og fólk gerði fyrir hundruðum árum síðan og látið hugann reika. Þar sem Tallinn er best varðveitta miðaldaborg N-Evrópu hefur henni verið bætt við á heimslista UNESCO.  Við skoðum 16. aldar vegginn sem umlykur gamla bæinn.

Göngutúrinn hefst með heimsókn í dómkirkjuna Orthodox St. Alexander Nevski Cathedral, þá Toompea höllina sem er alþingishús ríkisins í dag. Einnig er gengið meðfram veggnum á Toompea Kastala sem er mjög sérstakur. Þá munum við skoða einhverja hinna dularfullu og fjölmörgu leyniganga sem liggja inn í virki Tallinn borgar. Þeir voru notaðir i hernaðarlegum tilgangi, til að fylgjast með óvininum, njósna um hann. Fylgjast með vopna flutningum og hreyfingum hermanna. Gist í Tallinn. 

18 júlí
Hansaborgin Parnu og herrasetrið Igata.
Við förum frá Tallinn til Hansaborgarinnar  Parnu sem er vinsæl ferðamannaborg, sérstaklega á sumrin enda liggur borgin að sjó og er  með fallega hvíta strönd. Parnu er gömul menningarborg og var mikilvægt aðsetur Hansakaupanna fyrr á öldum. Við skoðum þessa gömlu borg ,höfnina, gamla hlutann og röltum um fallegar þröngar götur.

Við höldum áfram síðdegis , förum í gegnum bæinn  Limbazi og endum daginn á herrasetrinu Igata sem  frá 1880 og þar við gistum. Herrasetrið er staðsett í gríðarfallegu umhverfi og er byggt í Neo-Klassíksum stíl. Von Pistolker fjölskyldan var eigandi þessa glæsilega herraseturs. Þarna gistum við. 

19. Júlí
Siguilda, kastalinn Turaida og  Sovéska neðanjarðarbyrgið.
Við förum til bæjarins Siguilda, sem er staðsettur í miðjum Gauja þjóðgarðinum, þar munum við skoða hinn þekkta Turaida kastala. Sögulega séð var Sigulda og nærliggjandi umhverfi  mikilvægt fyrir landið  sökum árinnar Gauja, en meðfram henni voru fjölmörg herrasetur og kastalar byggðir á miðöldum. Turaida kastalinn er þekktasta kennileiti þessa gamla bæjar. Turnar og langir háir veggir þekja umráðasvæði kastalans. Kastalinn er frá 13. öld og var hann byggður fyrir Albert biskup sem var einn af fyrstu þýsku trúboðunum sem kom til Lettlands. Í dag er kastalinn safn sem gefur innsýn í sögu svæðisins frá 12 - 14. aldar. Má nefna bardagan milli heimamanna Liivs ættbálksins  og þýskra innrásarmanna. Frá turni kastalans er útsýnið frábært,  þar sem  Gauja liðast  áfram, má sjá  engi, dali og skóglendi  sem  einkennir þetta fagra umhverfi. Þá munum við ganga um í kastala garðinum sem hefur að geyma hina þjóðsagankenndu gröf Rósarinnar frá Turaida og Dainu hæðar. Einnig  munum við berja augum Gutmanis sandsteinshellinn en þjóðsagan segir að  vatnið sem safnast saman i hellinum séu í raun tár Gutmanis og sé vatnið  drukkið  þá eykur það hreysti og lengir lífið. Það er talið að vatnið hafi lækningargildi.

Eftir hádegi skoðum við hið leynilega Sovéska neðanjarðarbyrgi. Það var smíðað fyrir æðstu menn KGB og háttsetta aðila í Kommúnistaflokknum ef ske kynni að brytist út kjarnorkustyrjöld. Það var gert fyrir um 200 manns. Byrgið var vel falið og fáir vissu um það fyrr en árið 204 þegar það var opnað almenningi. Þar inni voru helstu nauðsynjar sem talið var að fólk þyrfti dveldi það langdölum í byrginu. Hefur þetta byrgi vakið mikla athygli. Við gistum síðan aftur á herrasetrinu.

20. Júlí
Skoðunarferð um Riga.
Ferðin gefur góða yfirsýn um borgina sem slíka, sögu hennar og framþróun. Ferðin með rútunni fer með þig í kringum miðbæjarhlutann og hið sjarmerandi Art Nouveau (Jugendstyle) svæði. Riga er stundum kölluð háborg hinnar nýju listar (Art Nouveau) vegna hins gríðarmikla fjölda bygginga sem eru samanþjappaðar á mjög litlu og afmörkuðu svæði. Í þessari ferð munum við dást að nokkrum mest áberandi perlum í arkitektúr borgarinnar.

Í sömu ferð fáum við  einnig að njóta þess helsta úr Boulevard Semi-circle með görðum sínum og borgarsíkjum mitt á milli bygginga sem hýsa Þjóðleikhúsið, Ríkislistasafnið, Listaháskólann, megin byggingu Lattvíska háskólans, Ríkisóperuna og Minnismerkið um frelsisdag þjóðarinnar sem íslendingar lögðu sitt af mörkum til þegar þeir viðurkenndu fyrstir allra þjóða rétt þeirra til sjálfstæðis.

Göngutúrinn um gamla bæinn færir þig aftur í tímanum, alla leið til miðalda, þegar Riga var ein stærsta borg þess tíma og gegndi hlutverki mikillar viðskiptaborgar. Til Riga á þessum tíma kom mikill fjöldi erlendra viðskiptamanna sem og kaupmanna. Þá var borgin á þessum tíma hluti af viðurkenndum Hansa-borgum og sem slík undir miklum áhrifum frá öðrum borgum í Evrópu sem nutu svipaðrar viðurkenningar. Fyrir vikið í dag er ennþá talað um að Riga sé ekki Lattvísk borg vegna hinna miklu áhrifa af þýskum, rússneskum, pólskum og sænskum venjum, siðum, byggingum og hefðum. Þá er og að merkja mikil áhrif frá gyðingum í borginni sem líkt og víðar höfðu varanleg áhrif á verslun og þjónustu.  Við munum einnig skoða stærsta útimarkað Evrópu, það er sérstakt að því leyti að yfir honum eru 5 Zeppelin (loftfar)skýli úr fyrri heimstyrjöldinni og mynda þau einskonar þak.  Seinni partur frjáls. Við gistum í Riga.

21. Juli
Rundale Höll og bærinn Bauska.
Rundale höllin er stórkostlegt meistarastykki í stíl Baroque og Rococo, og er oft kölluð Lattvíska útgáfan af Versölum í Frakklandi. Höllin er sú  stærsta í  Eystrasaltslöndunum og ein þeirra stærstu í norðanverðri Evrópu. Höllin var byggð á 18 öld fyrir Ernst Johan von Biron, Greifa af Courland (Kúrlandi). Hún var hönnuð af hinum fræga rússneska hirðarkitekt ítalanum Francesco Bartolomeo Rastrelli, sem einnig hannaði hina frægu Vetrarhöll í Sankti Pétursborg. Höllin var byggð á árunum 1736 – 1740. Í dag hefur höllin varlega verið færð aftur í sitt upphaflega horf og meira en 40 af hinum 100 herbergjum og sölum með upphaflegri innréttingum og húsgögnum eru opin fyrir þá gesti sem sækja höllina heim árlega. Fransk hannaður garður umlykur höllina sem einnig var hannaður af Rastrelli og var hann nýlega mikið til endurnýjaður að upphaflegri hönnun og er sannkallað augnayndi. Á leiðinni til Riga stoppum við i bænum Bauska, fallegum gömlum bæ. Gistum í Riga um nóttina.

22. Júlí
Lettneska Byggðasafnið og hin þjóðþekkta Lettneska listakona Ingrida Zagare og hennar leirverkstæði heimsótt.
Keyrum áleiðis til Tallinn frá Riga. Eftir hádegi  skoðum Lettneska Byggðasafnið. Safnið er staðsett á bökkum vatnsins Jugla, umlukið skógi og er í  um 25 mínútna keyrslu frá miðborg Riga. Safnið er eitt elsta utanhúss (open air) safn í Riga (opnað 1924).  Þar má sjá um 100 hús frá fyrri tímum; bændabýli, vindmyllur, kirkjur og einnig er hægt að bera augum heilu fiskiþorpin. Þessi hús sýna í hnotskurn lifnaðarhætti Letta  frá 16-19 öld. Sögulega séð hefur Riga verið byggt af Þjóðverjum, Rússum, Svíum, Gyðingum og  Pólverjum. Þá munum við kynnast Lettneskum siðum og hefðum sem voru við lýði á þessum tíma. Auk þess fá innsýn í þeirra heim lista og trúarbrögð þeirra. Endum daginn í Riga þar sem við gistum.

Á  leiðinni munum við heimsækja hefðbundið Lettneskt leirkeraverkstæði(ceramic) og sjá hinn þjóðþekkta  listamann Ingrida Zagare að störfum. Við munum kynnast því hvernig Eistneskt  handverk er unnið frá fyrstu hendi.
Við munum skoða sveitahéruðin er blasa við okkur á leiðinni og endum svo í Tallinn seinni partinn en þar er gist.

23. Júlí
Miðaldarkastalinn Rakavere og Laahemaa þjóðgarðurinn.
Byrjað er á því að heimsækja miðaldarkastalann Rakvere. Þar mun á móti okkar taka leiðsögumaður í klæðnaði frá miðöldum og leiða okkur í gegnum kastalann sem er frá 15. öld. Hérna getur fólk séð hvernig handverksmenn unnu á miðöldum. Þá gefst gestum  einnig tækifæri til þess að taka þátt í þeirri vinnu. Svo er farið í  verksmiðju er framleiðir lín og þar getur fólk keypt það sem framleitt er td.  borðdúka og handklæði á mjög góðu verði.

Í Laahemaa þjóðgarðinum er landslag  mjög fjölbreytt allt frá láglendi við ströndina til fossa upp til hæða. Ferðin gefur einnig innsýn í 18. aldar arkitektúr Eistlands upp til sveita.  Komið er við á herrasetrinu Sagadi House sem er dæmigert fyrir  18 -19. öldina og var byggt af þýskum landeiganda en allt umhverfið er ægifagurt. Herrasetrið sjálft er búið  húsgögnum frá 19. öld. Ferðin inniheldur einnig hádegisverð og vínsmörkun, vínið er framleitt að ævafornum sið. Þá munum við skoða lín verksmiðju þar sem fólki gefst kostur á að kaupa lín ef áhugi er á því. Gistum í Tallinn.

24. Juli
Frjáls dagur í Tallinn, flug heim um kvöldið.