Aðeins um ferðina

Alveg einstök ferð í rómað umhverfi nátturu og sögu. Gönguferð um einn þekktasta þjóðgarð Portúgals, Peneda Geres. Vinsmökkun í Duro héraði og dal þar sem einhver bestu og þekktustu vín landsins eru framleidd.

Í Peneda Geres eru þekktustu fjöllinn í Portúgal eins og Serra de Peneda, Serra do Soajo, Serra Amarela og Serra de Geres.

Við munum byrja á Soajo svæðinu þar sem við kynnumst menningu, venjum og fögru landslagi svæðisins; skógar, ár, dalir og fjöll. Staldrað er við í gömlum þorpum, skoðum forna kastala og kynnumst  aðeins fólkinu. Þá eru villihestar eru ekki óalgeng sjón. Víða hefur tíminn staðið í stað og venjur og siðir hafa haldist óbreyttir í aldanna rás.

Þá munum við einnig keyra  til hins fagra Douro dals, eins þekktasta vínræktarsvæðis Portúgals og þess fyrsta í heiminum. Svo merkilegt þykir þetta svæði að það er verndað af UNESCO og er eina vínræktarsvæðið í heiminum sem svo er um. Við munum ma. ganga um svæði þakið vínekrum svo langt sem augað eygir. Við munum að sjálfsögðu smakka á framleiðslunni. Ef við erum heppinn fáum við að taka þátt í framleiðslunni. Veður ræður þar för hvort það verður búið að klára þetta þegar við komum.

Sjá nánari lýsingu á þessari ferð hér til hliðar undir Ferðalýsing.

Nákvæmar tímasetningar fyrir næstu hópferð væntanleg. Verð verða birt síðar. Áhugasamir eru hvattir til að skrá sig á póstlista okkar og merkja þar sérstaklega við þessa ferð þannig að þeir fái allar upplýsingar um verð og ferðatilhögun um leið og þær liggja fyrir.

Porto: Arfleiðin og Vínið
Porto: Bragðlaukurinn í návígi
Ferðabæklingur borgarinnar