Kúba

Aðeins um ferðina

Í þessari einstöku ferð fær hver og einn farþegi / salsadansari frá Íslandi sinn eigin dansherra / dömu frá Kúbu. Þau eru öll menntaðir dansarar og danskennarar og frábærir félagar í dansinum. Mismunandi getustig þarf að skoða og munum við hafa a.m.k 2 getustig ef ekki 3, eitt kennarapar fyrir hvert getustig. Þannig er tryggt að allir fái frábæra dansfélaga og einstaka leiðsögn í rauntíma

Eftir kennslu á daginn er margt í boði sem hver og einn velur við sitt hæfi. Auk þess sem úrvalið er mikið og gott er verðlagið líka hagkvæmt. Við að sjálfsögðu hvetjum okkar farþega til að skoða Havana á meðan dvölinni stendur.

Þá verður í boði á fá einkatíma fyrir þá sem það vilja en áætlað kennslugjald per klst. eru ISK 1.200 sem greiðist beint til kennara en ekki er hægt að borga með korti.

Ferðinni er ætlað það hlutverk að sameina tækifæri bæði fyrir byrjendur sem lengra komna til þess að ná betri valdi á Salsa dansinum í þessu rómaða umhverfi þar sem takturinn og hrynjandinn bæði í tónlistinni sjálfri sem og dansinum er sjálfsagður hluti af tilverunni.

Þá er ferðin einnig frábært tækifæri til þess að kynnast Kúbu eins og hún er í dag og áður en lífið og umhverfið þar breytist frá því sem nú er. Notaðu tækifærið og heimsæktu ekta vindlaverksmiðju, skoðaðu söfnin í Havana, taktu einkatíma í Afró - Kúbverskum dansi til viðbótar, upplifðu heimsókn til kínverks / kúbverks nálastungulækni, röltu um á markaðinum, prófaðu ökuferð í einum af þessum sjarmerandi gömlu bílum sem setja svo mikin svip á lífið, kíktu í " guagua " (strætó), sestu og hvíldu fæturna á litlu og notanlegu kaffihúsi eða láttu valkvíða yfir úrvali veitingastaðanna hrella þig.

Kúba er einstök og enginn gleymir henni sem hana sækir heim. Settu smá Salsa krydd í tilveruna og taktu með þér dansskóna í sólina :)

Nánari upplýsingar um Ferðadag og flugfyrirkomulag verður birt síðar ásamt verði.

Herbergistegund	Fullt verð
Eins manns herbergi	Í vinnslu
Tveggja manna herbergi	Í vinnslu

Innifalið í verði er:

Flug frá Íslandi til Bretlands og þaðan áfram til Kúbu og tilbaka ásamt öllum sköttum og gjöldum

Akstur til og frá flugvelli á Kúbu

Hótelgisting í London 3 stjörnur ásamt morgunverði

Hótelgisting í Havana 4 stjörnur ásamt morgunverði

Salsakennsla á meðan ferð stendur sbr. Ferðalýsing

Íslensk fararstjórn

ATH. Boðið er upp á mjög góð greiðslukjör en hægt er að fá vaxtalaust kreditkortalán til 9 mánaða þar sem fyrsta greiðsla er eftir 3 mánuði og 6 gjalddagar til greiðslu. Staðfestingargjald þarf að greiða sérstaklega við skráningu per mann ef ferðakostnaður er ekki skuldfærður á greiðslukort en að lágmarki þarf að borga krónur 50.000 fyrir hvern þátttakenda.

Valmynd

Áfangastaðir

3 landa sýn - Eistland, Lettland og Litháen

Ferðir í boði

Áskrifendur Stöðvar 2 njóta sérstaks Vildarverðs í þessari Sérferð hjá okkur.

Ert þú ekki örugglega meðlimur í Vildaklúbbi Stöðvar 2

Skráðu þig í VILD hér

Okkar samstarfsaðili með flug í þessari Sérferð er

Til að skrá sig í ferðina er hægt að smella á takkann hér fyrir ofan
til að senda okkur tölvupóst með nöfnum farþega, kennitölum og símanúmeri svo hægt sé að hafa samband vegna skráningar í ferðina og vegna frágangs á ferðakostnaði.