Myndasafn

Lágmarksþátttaka er 15 manns í allar ferðir. Panta verður með amk. 10 daga fyrirvara áður en farið er frá Íslandi til að vera öruggur með að komast í ferðirnar.

Skoðunarferðir um Krakow

Hálfsdags gönguferð um Krakow. Við skoðum helstu staði og kennileiti gamla bæjarins. Til að  kynnast borginni sem best er hentugast að fara fótgangandi, þar verður ekki við komið bifreiðum svo vel sé.

Við skoðum m.a. aðal markaðstorgið (Main Market Square), Cloth höllina. St. Mary kirkjuna (inngangur), gamla háskólasvæðið, miðaldarvirkið Dreka Wawel kastala, konunglegu Wawel hæðina og Wawel kastala sem talinn er ein glæsilegasta bygging í Póllandi en þar voru pólsku kóngarnir kryndir og jarðaðir.  Árið 1978 var kastalinn settur á minjaskrá UNESCO.  Wawel Dómkirkjan hefur á bak við sig 1.000 ára sögu, en þar fóru fram ýmsar konunglegar athafnir í gegnum aldirnar og þar  fengu helstu merkismenn landsins sín lokaorð, svo sem skáld, biskupar og dýrlingar.  Gamli bærinn lætur engann ósnortinn 

Auschwitz fangabúðirnar

Við förum sem leið liggur frá hóteli okkar i Krakow til hinna almræmdu Auschwitz útrýmingarbúða, svo kallað Auschwitz-Birkenau safnið. Staður þar sem hræðilegir atburðir áttu sér stað i Seinni Heimstyrjöldinni, staður þar sem milljónir manna voru myrtar af nasistum. 

Safnið hefur orðið tákn fyrir þann hrylling  og  þjóðarmorð sem nasistar stóðu fyrir á árnum 1940-1944. Útrýmingabúðirnar voru settar á laggirnar árið 1940 í útjaðri bæjarins Auschwitz sem var innlimaður i Þriðja Ríkið.  Þetta er ferð sem aldrei gleymist.

Saltnámurnar i Wieliczka

Við keyrum til Wieliczka saltnámunar sem eru staðsettar við samnefndann bæ en þær eru á lista0 UNESCO, svo merkilegar þykja þær. 

Námunar eru mjög vinsælar fyrir ferðamenn en þangað komu 1,7 milljóm manns á siðasta ári. Námurnar ná niður á 327 metra dýpi og eru 287 km langar.  Farið er um neðanjarðarganga, hellar verða á vegi okkar og allskonar form og myndanir úr saltinu.  

Saltið i grjótinu hefur myndað mismunandi  og falleg  form, við sjáum skúlptúra sem myndaðir hafa verið i bergið, en hitastig er um 14-16 gráður Celsius. Í raun erum við að fara í spennandi ferð sem tekur okkur neðanjarðar um allskonar skúmaskot.