Ferðalýsing

 Georgía og Armenía 9. - 19. Október 2020Perlur Kákasusfjalla, hlið Evrópu að Miðausturlöndum og AsíuForn menning, heillandi mannlíf, hrífandi saga og

Ferðalýsing

 Georgía og Armenía 9. - 19. Október 2020
Perlur Kákasusfjalla, hlið Evrópu að Miðausturlöndum og Asíu
Forn menning, heillandi mannlíf, hrífandi saga og stórkostleg náttúra


Dagur 1. 9 okt.  Tbilisi
Fljúgum til Riga i Lettlandi kl 15.35 þar sem við lendum um kl 22.15. Áframhaldandi flug er svo til til Tblisi i Georgíu kl 23.05 og þar er áætluð lending kl 03.30 um nóttina 10 október. Frá flugvelli er keyrt beint á hótelið sem verður Hotel Astoria sem er 4* eða annað sambærilegt en á hóteli verður boðið upp á eitthvað létt fyrir svefninn.

 

Dagur 2. 10 okt.   Tbilisi City Tour – Mtskheta – Gudauri
Við byrjum daginn á skoðunarferð um höfuðborg Georgíu, Tblisi. Byrjum í Metekhi hverfinu, sem er elsta svæði borgarinnar. Förum síðan með kláf til Narika sem 4. aldar virki en þaðan er frábært útsýni yfir borgina og Mtkvari ánna. Einnig skoðum við Móður Georgíu minnismerkið. Við röltum síðan um gamla bæinn og þar sjáum við m.a. Abanotubani sulfur böðin, en ein þjóðsaga borgarinnar tengist þessum stað. Undir niðri eru hverir sem hita baðið, þetta er sögulegur baðstaður sem sagt. Við skoðum lystigarð borgarinnar og förum sem leið liggur til Anchiskhati kirkjunnar þar sem kraftaverka íkon af Jesú Kristi er geymt. Við skoðum Gabriadze leikhúsið með sínum fallega turni, röltum framhjá fyrrum þinghúsinu, óperu og ballet húsinu svo eitthvað sé nefnt og upplifum tíma og rúm. Hádegismatur í Mtkheta sem er fyrrum höfuðborg Iberia konungsdæmisins á tímabilinu 3. öld fyrir Krist til 5. aldar eftir Krist.



Við heimsækjum Jvari klaustrið sem byggt var á 6. öld og er á heimsminjaskrá Unesco. Við keyrum sem leið liggur til næststærstu kirkju Georgíu, Svetitskhoveli sem er þekktur staður sem grafreitur möntu (mantle) Krists, meistaraverk frá miðöldum og er einnig á heimsminjaskrá Unesco. Kvöldmatur en við gistum í  fjallaþorpinu Gudauri sem er þekktasti skíðastaður Georgíu. Hótelið okkar þar er Gadauri Inn 4* en það er sérstaklega vinsælt á veturna enda staðsetningin paradís fyrir skíðafólk.

Dagur 3. 11 okt.   Gudauri –Stepantsminda – Ananuri – Tbilisi
Við erum nú stödd í Kákasus fjöllum í gríðarfallegu umhverfi. Við skoðum minnismerki Rússa og  Georgíu sem byggt var árið 1983 til að fagna samvinnu Sovíet Georgíu og Sovíet Rússlands. 

 
Við keyrum svo til fjallaþorpsins Stepantsminda og njótum frábærs útsýnis yfir Kákasus fjöllin, en bærinn hefur verið nefndur sem einn fallegasti smábær í heimi, en staðsetningin er vægast sagt stórkostleg. Þá skoðum við Gergeti Triniti kirkjuna sem jafnframt hefur verið útnefnd sem ein fallegasta kirkja í heimi af tímaritinu Telegraph. Við munum fá kennslu og taka þátt í gerð handverks úr ull upp á gamla mátann í Stepantsmida. Borðum hádegismat og höldum svo sem leið liggur aftur til Tiblisi  en á leiðinni heimsækjum við Ananuri kastalann og virkið. Kastalinn hefur í aldanna rás oft verið þungamiðja mikilla orrusta en síðast árið 1739 var ráðist á hann af Shansheof Ksaniand og kveikt i honum. Við gistum svo í Tblisi og borðum kvöldmat þar eða i Mtskheta. Við gistum áfram á Hotel Astoria eða sambærilegu hóteli.

Dagur 4. 12 okt.   Tbilisi – Ikalto – Telavi –Tsinandali - Telavi
Við förum strax um morguninn til Kakheti svæðisins og byrjum á heimsókn í Ikalto akademíuna sem stofnuð var á 6. öld af dýrlingnum Zenon. Við fornleifauppgröft hafa komið í ljós vinnustofur, vínkjallarar, geymslur og fleirri herbergi akademíunnar. Þarna var nemendum kennd stjörnufræði, landafræði, heimspeki og guðfræði svo eitthvað sé nefnt. 

Við höldum svo áfram til Telavi og heimsækjum Batonis Tsikhe sem hefur að geyma rústir hinnar persnesku konungs hallar Kakheti . Við borðum svo hádegismat í Telavi sem er borg á stærð við  Akureyri, en hún er staðsett við rætur Tsiv - Gombori fjallgarðsins.  Í bænum má finna tré sem eru 900 ára gömul, sem er eitt af einkennum bæjarins, við skoðum það. Þvi næst keyrum við þorpsins Tsinandali en þar munum við skoða Aleksander Chavcahvadze safnið. Alexander þessi var þekkt ljóðskáld í Georgíu og var hann sá fyrsti sem sem byrjaði að tappa vín á flösku í Georgíu, í þorpinu Tsinandali, við munum að sjálfsögðu smakka og skoða okkur um í vínkjallaranum.  Safnið er i raun herrasetur sem hefur verið breitt í miðstöð menningar í Georgíu en þar eru haldnar allskonar sýningar og menningarviðburðir. Þetta er í raun húsasamstæða þar sem finna má víngerð, hótel, safn, kaffihús og sem glæsilegur garður umlykur. Chavchavadze fjölskyldan var áhrifamikil í Georgísku samfélagi og spilaði þar stóra rullu
Við gistum í Telavi, þar sem við borðum einnig kvöldmat en við gistum á Holiday Inn hóteli þar.


Dagur 5. 13 okt.  Telavi – Kvareli – Sighnaghi – Bodbe – Tbilisi
Við förum til bæjarins Kvareli í norðausturhluta Kakheti héraðs við rætur Kákasusfjalla, nánar tiltekið í Alzani dalnum. Við munum skoða Kvareli víngöngin en þau eru þau 7,7 km löng grafin í bergið, vínsmökkum hér að sjálfsögðu. Kynnumst vinnu heimamanna við brauðgerð. Röltum um þennan litla og fallega bæ þar sem tíminn hefur staði kyrr um all langt skeið. Við höldum svo sem leið liggur til  Sighnagh, borg ástarinnar eins hún er kölluð. Borgin er þekkt fyrir fallega byggingarlist.  Við sjáum fallegu gömlu múrsteina húsin, viðar svalirnar, steinilagaðar götur og vín angan liggur í loftinu, við erum í fallegu þorpi í stórkostlegu umhverfi. Umhverfið er sagt minna á Toscana hérað á Italíu. Við skoðum svo Georgiskt Orthdox klaustur og svokallað sæti Bodbe biskups, en það er eitt helgasta  svæði Georgíu.

 

Við endum daginn í Tblisi þar sem við förum á baðstað í gamla bænum, svokallað sulfur bað, en baðmenning i Georgíu á sér mikla og langa hefð, en þeir hafa jarðhita eins og við.  Svo við tökum með okkur sundföt. Heitar sulfur uppsprettur voru uppgötvaðar af Georg konungi fyrir langa löngu og ákvað hann þá að byggja höfuðborgina Tbilis á þeim stað.  Kvöldmatur og gisting i Tbilis á Hotel Astoria líkt og áður eða sambærilegu.

Dagur   6. 14 okt.   Tbilisi – Sadakhlo – Haghpat – Fioletovo – Goshavank – Dilijan
Nú förum við yfir til Armeníu en þar er okkar fyrsta stopp Haghpat klaustrið sem er á heimsminjaskrá UNESCO og var byggt árið 936 af Khosrovanuysh drottningu, eiginkonu Ashot III konungs. Eftir hádegisverð förum við sem leið liggur til Diljan sem er þekktur heilsubær og handverkið er þar rómað. Bærinn er umlukinn skógi, Diljan þjóðgarðinum. Tilvalin staður til að fá sér minjagrip. Á leiðinni til Diljan munum við stoppa í smáþorpi er heitir Fioletovo sem er þekkt Molokan þorp en Molokan er rússneskur minnihluti er býr í Armeníu. Okkur er boðið til fjölskyldu þar sem við lendum i te partý, við munum kynnast sögu þeirra  og hefðum.



Við skoðum svo Goshavank klaustrið i þorpinu Gosh, sem er siðan frá 12 öld og var mikið menntasetur. Við gistum í Diljan og borðum þar kvöldmat. Hotel Popcok Dilijan 3* eða annar sambærilegt.

Dagur 7. 15 okt.   Dilijan - Sevan – MikayelyanFF - SelimPass – ZoratsKarer - Goris
Eftir morgunmat förum við meðfram Sevan vatni og áfram til Sevan skaga en þar förum við upp tröppurnar að Sevanavank klaustrinu og njótum frábærs útsýnis yfir vatnið og umhverfisins í kring. Við munum svo kynnast heimamönnum og snæða hádegisverð í heimahúsi en þar er ostabúgarður og mun heimamenn sýna okkur hvernig framleiðslan á sér stað, fáum smá sýnikennslu. Eftir hádegi munum við keyra i suður, en við förum framhjá Selim Caravanserai, sem var staður þar sem kaupmenn stoppuðu m.a. á leið sinni um hinn þekkta Silkiveg. 

 

Við munum skoða Stonehenge Armeniu sem heitir Zorats Karer eða Karahunj. Þetta eru uppréttir steinar, 223 samtals sem hefur verið raðað upp, en talið er að þeir séu um 3.500 ára gamlir og því eldri en Stonehenge Í Englandi og álíka gamlir og pýramidarnir i Egyptaland. 
Við endum daginn i einum elsta bæ Armeniu Goris, borðum þar kvöldmat.Gistum á Hotel Mtndadzor 3* eða sambærilegu.

Dagur 8. 16 okt.   Goris – Khndzoresk – Tatevmonastery - Goris
Við skoðum okkur um í Goris og förum svo til hella þorpsins Khndzoresk sem er all sérstakt og spennandi þorp. 



Við göngum eftir hengibrú sem tengir gamla Khndzoresk við nýrri hluta bæjarins. Við förum svo og skoðum Tatev klaustrið sem stendur við brún á djúpu gili þar sem áin Vorotan rennur‚ útsýnið stórkostlegt. Lengsta loftbrú, kláfur (aerial tramway) skv. Heimsmetabók Guinnes í heimi  tekur okkur til klaustursins sem byggt var á 9. öld. Við borðum svo hádegisverð stutt frá klaustrinu. Við förum svo aftur til Goris og tökum þátt í gerð jingyalovhats sem er dæmigerður réttur suður Armeníu. Gistum áfram í Goris.

17 okt. Goris – Gnishik - Noravank - KhorVirap - Yerevan
Við keyrum til þorpsins Amaghu i Vayotz héraði, þar förum við í um klukkutima göngu að þorpinu Gnishik  sem þekkt er fyrir landslagið í kring sem er á verndarsvæði, þar er að finna sérstaka náttúru og dýralíf. Á göngu okkar munum við m.a. sjá Bezoar geitur sem eru villtar og i útrýmingarhættu
Við munum svo fara og skoða Noravank klaustrið frá 13. öld sem byggt var á milli kletta í þröngu gili, þar sem áin Amaghu rennur, þarna er fallegt samspil náttúru og manns. 

  

Borðum hádegismat á svæðinu. Höldum svo til Khor Virap sem er næsti staður við Ararat fjall. Khor  Virap var upphalega byggt sem fangelsi og þar var fyrsti fanginn Armensk- kaþólski biskupinn Gregor, þegar hann var að reyna að breiða út Kristni i heiðnu Armeníu. Hann var þar i 14 ár áður en hann var frelsaður, en Armenia er meðal fyrstu landa í heiminum til að taka upp Kristni sem rikistrú. Við höldum svo til Yerevan þar sem við borðum kvöldverð og sjáum þjóðdansa Gistum i Yerevan. Hotel Bass Boutique 4* eða sambærilegt.

Dagur 10. 18 okt. Yerevan
Nú erum við stödd í höfuðborg Armeníu, Yerevan. Eftir morgunmat förum við í skoðunarferð um þessa merku borg. Við munum sjá  það markverðast sem borgin hefur upp á að bjóða; byltingartorgið, steinteppið á þvi miðju, en það er 3.000 ára saga á bak við það. Við komum við i óperu og ballet húsinu. Við virðum fyrir okkur  útsýnið yfir borgina, sjáum þá fjallið Ararat frá toppi Cascade minnismerkisins. Við heimsækjum nútíma  listasafnið Cafesjian, þá skoðum við  minnismerki um þjóðarmorð á Armenu sem gefur okkur betri skilning á þeim þjáningum sem þjóðin hefur orðið fyrir.  Skoðum Garni Pagan musterið frá 1. öld e.Kr., það eina frá tímum Hellena í Kákasus fjöllum.  Við borðum svo hádegisverð í borginni og fáum smá innsýn i matargerðina á þeim bæ.   

  
Nú tekur við ökuferð á fjórhjóladrifnum bílum að Symphony of Stones, sem eru basalt stöpplar ekki ósvipaðir og við eigum t.d við Svartafoss. Við skoðum síðan eitt fallegasta klaustur í Armeniu, Geghard sem er á heimsminjaskrá Unesco. Það er þjóðsaga um lækningamátt lindar innan veggja klaustursins, en sagan segir að ef þú drekkur vatnið þá læknar það öll þau veikindi sem hrjá þig. Við förum svo tilbaka til Yerevan og kíkjum á ávaxta markaðinn sem kallaður er GUM, þar hitttum við heimamenn og smökkum ferska Armenska ávexti.
Borðum kvöldmat i Yerevan, gistum áfram á sama hóteli fram að brottför sem verður eftir miðnætti.



Dagur  11. 19 Okt. brottför
Fljúgum til Riga kl. 04.20 eftir miðnætti til Riga og er áætlað að við lendum þar kl. 07.00 um morguninn. Förum svo beint á hótelið i Riga við flugvöllinn sem er Rixwll Elefant Hotel 4 stjörnur, leggjum okkur þar, förum svo um hádegið út á völl og tökum flugið heim til Islands kl. 14.00 og lendum hérna heima kl. 14.35 i Keflavik 20 október.










           


 






headerheaderheader
Síðumúli 13 - 108 Reykjavík | Strandgata 29, 2 hæð, 600 Akureyri |Sími 588 8900 | info@transatlantic.is | www.transatlantic.is
Vertu vinur okkar á FacebookStefna ehf Hugbúnaðarhús - Moya