Aðeins um ferðina

Beint flug til Tallinn í Eistlandi

Flug frá Keflavík og Akureyri

FERÐAÁÆTLUN 18. OKTÓBER - 21. OKTÓBER 2012

Flug	Brottför	Dags	Koma	Dags
TA1512	Keflavík	18.10.12 - 07:45	Akureyri	18.10.12 - 08:30
	Akureyri	18.10.12 - 09:30	Talinn	18.10.12 - 15:15

TA1513	Tallinn	21.10.12 - 16:05	Akureyri	21.10.12 - 16:50
	Akureyri	21.10.12 - 17:50	Keflavík	21.10.12 - 18:35

Hotel Park Inn	3 stjörnur	Tilboðsverð
1 manns herbergi		104.900
2 manna herbergi		94.900
3 manna herbergi		93.400

Reval Park & Casino	4 stjörnur	Tilboðsverð
1 manns herbergi		112.300
2 manna herbergi		98.900
3 manna herbergi		96.900

Flug aðra leið á frábæru verði eða 19.9000 kr

FERÐAÁÆTLUN 28. JÚNÍ 2012

Flug	Brottför	Dags	Koma	Dags
TBA	Reykjavík	28.06.12 - 23:30	Tallinn	28.06.12 - 06:00

Keflavik-Tallinn 28. júní 2012

*Aðeins er boðið upp á þetta ódýra flug frá Íslandi aðra leiðina en að sjálfsögðu getur ferðaskrifstofan boðið farþegum upp á að finna og bóka flug heimleiðis í gegnum Kaupmannahöfn eða Helsinki sé þess óskað. Hafðu samband við okkur í tíma til að tryggja þér þetta einstaka tilboðsverð á flugi til Eistlands nú í sumar.

Tallinn sem er ein allra fallegasta borg Evrópu hefur breyst í nútíma borg með alþjóðlegu yfirbragði á síðustu 10 árum. Þrátt fyrir það eru íbúarnir stoltastir af gamla bæjarhlutanum og er hann sá hluti borgarinnar sem mesta aðdráttaraflið hefur á ferðamenn. Þar eru götur steini lagðar, byggingar frá 11.-15. öld sem hefur tekist að varðveita ótrúlega vel. Hefur eistlendingum tekist að varðveita í raun allan gamla bæjarhlutann eins og hann leggur sig með því að reisa vegg í kringum hann. Þú ferð úr 21. öldinni beint aftur í miðaldir í sömu borginni. Getur rölt um sömu götur, milli sömu kirkna, annarra bygginga og torga og fólk gerði fyrir hundruðum árum síðan og látið hugann reika. Þar sem Tallinn er best varðveitta miðaldaborg N-Evrópu hefur henni verið bætt við á heimslista UNESCO.

Miðaldarstemning í Tallinn er engu öðru lík. Söfn, dómkirkjur, borgarhlið, borgarveggir, klaustur, borgarturnar og stórfenglegur arkitektúr, allt á sama stað. Má nefna Torgið í gamla bænum, St Olav´s kirkju, St. Catherine götu, Maiden turninn, Toompea kastalann, Saint Mary dómkirkjuna og Ráðhúsið. Allt eru þetta ótrúlega fallegar byggingar frá fyrri tímum. Í gamla borgarhlutanum er hægt að fylgjast með listamönnum og handverksmönnum að störfum, ekki ósvipað og gert var fyrr á öldum.

Í Tallinn er fjölbreytt menningarlíf og getur hver og einn örugglega fundið eitthvað við sitt hæfi, hvort sem það eru ballettsýningar, listasöfn, tónleikar, kvikmyndir, bjór hátíðir eða listahátíðir af einhverju tagi. Úrval veitingahúsa má finna í Tallinn með rétti frá öllum heimshornum auk þess sem fjöldi kaffihúsa og skemmtistaða er að finna í borginni. Verðlagið er alls ekki í samræmi við gæðin. Góða máltíð má td. fá fyrir einungis 4-5 evrur. Skemmtanalíf stendur með miklum blóma í Tallinn, barir, næturklúbbar, diskótek og pöbbar eru flest allir staðsettir í og við gamla bæinn. Auðvelt er að rölta á milli fjölda staða á kvöldin, ekki ósvipað og í miðbæ Reykjavíkur.

Nýjasta tískufatnaðinn má finna í Tallinn og það á ódýru verði. Sama má segja um ilmvatn, handverk og fleiri vörur. Mikið af þessum verslunum má finna í gamla bænum. Það er því hægt er því að gera mjög góð kaup í Tallinn.

Tallinn er borg sem fangar mann, borg sem skilur eitthvað eftir, löngu eftir að farið er þaðan.

Eistland að sumri er ekki síðri en að hausti eða vori. Þar má finna einstaklega fallegar hvítar strendur og hægt er að synda í sjónum, enda getur hitastigið farið yfir 30 gráður. Má nefna að heilsuhótelin (Spahótel) í Eistlandi eru mjög þekkt og bjóða upp á frábæra þjónustu á góðu verði en þau eru víða staðsett niður við ströndina. Þá er spennandi að ferðast um sveitir Eistlands þar sem víða eru fögur sveitaþorp sem enn halda í ævagamlar hefðir. Þar hefur tíminn svo sannarlega staðið í stað síðastliðin hundruð ár.