Skoðunarferðir frá Hurghada

Heildagsferð - Jeppasafarí
Farþegar eru sóttir á hótelið milli 13:30 og 14:30. Ferðast á 4 x 4 jeppum yfir eyðimörkina (cirka 35 km) að völdu Bedouin þorpi. Þar færðu að kynnast siðum, venjum og daglegu lífi þeirra. Við sólarlag er klifið upp á nærliggjandi fjall til að horfa á sólina sökkva í sandinn og þar á eftir færðu að njóta Barbeque máltíðar að hætti Bedouina og taka þátt í veislu að þeirra hætti. Flutningu tilbaka á hótel þar á eftir

Kvöldsýning - Alf Leila We Leila
Farið frá hótelinu um klukkan 18:00. Dagskráin hefst um 19:00 með austurlenskum kvöldverði (Maghreby-Moroccan) en að honum loknum hefst Ljósa- og Hljóðsýning í anda þeirra sem haldnar eru við Pýramidana Miklu, Karnak hofið og Abu Simbel. Þar á eftir kemur hestasýning þar sem leikni hreinræktaðra arabískra hesta og reiðmanna njóta sín út í ystu æsar. Síðasta sýning kvöldsins er hinn seiðandi austurlenski magadans (Tanura) en hérna gerist hann einna bestur. Eftir á er svo ekið tilbaka á hótelið um 23:30

Hálfdagsferð – Skoðunarferð um Hurghada
Farþegar sóttir á hótel um 09:00 að morgni.  Farið víða um borgina og m.a heimsókn í Stóru Moskunnar og Kirkju St. Mary sem og hafnarsvæðið. Í ferðinni er stoppað á hæsta punkti svæðisins til að farþegar geti notið panorama útsýnis yfir Hurghada og nærliggjandi svæði. Eftir hádegisveitingar stoppað á hefðbundum egypskum Bazar þar sem þú lætur reyna á prútthæfileika þína. Eftir á keyrt tilbaka á hótel

Hálfdagsferð – Kafbáturinn Sindbad
Loksins getur þú upplifað sömu ævintýri og Kafteinn Nemo sem sigldi um í djúpinu á Nautilus. Farið frá hótelinu um 09:00 niður á höfn þar sem þú gengur um borð á Sinbad kafbátnum. Hann tekur 44 farþega í einni ferð og 2 stjórnendur. Setið er við sérhannaða glugga sem tryggja hámarksútsýni í ferðinni sem stendur í 50 mínútur neðansjávar á 22 metra dýpi. Eftir ferðina ekið tilbaka á hótel

Hálfdagsferð – Glerbáturinn
Tveggja tíma ferð á Rauða Hafinu þar sem þú nærð að njóta slökunar en jafnframt virða fyrir þér litríkt og fjölbreytt sjávarlífið í gegnum glergólf á bátnum. Báturinn tekur aðeins 40 farþega í einu. Hægt er að fara í ferðir klukkan 08:00, 11:30 og 14:30. Eftir ferðina tilbaka á hótel

Heildagsferð (rúmlega) – Luxor og Karnak
Farþegar sóttir á hótel um 07:00 að morgni. Ekið frá Hurghada áleiðis til Luxor, heimsókn á Vestur Bakkann. Stoppað við Necropolis of Thebes á Austur Bakkanum, farið yfir Nílarfljót, keyrt í Konungadalinn og nokkur grafhýsi skoðuð sem og Deir El Bahari Hofið. Á bakaleiðinni stoppað við Colossi of Memnon sem eru tvær gígantiskar styttur sem tákna Amenopis III sem snýr að Níl og Höll Hatshepsut drottningar heimsótt en hún var eina konan sem var faraó. Síðan heimsækjum við Karnak og Luxor hofin þar sem við skoðum t.a.m hofgarðinn með granít styttum af Ramses hinum Mikla. Í Karnak sem er þyrping ýmissa hofa byggð á ýmsum tímum sjáum við m.a Sfinxa götuna með ljónafígúrum á báðar hendur, Hypostyle Höll með sínar 134 tilkomumiklu burðarsúlur, Obelisk Hatchepsut drottningar og Tutomosis III faraó, hof Amon skreytt með lotus og papýrus og loks granít grafarkistu Amenophis III og hina Helgu Tjörn. Léttur hádegisverður á meðan ferð stendur

Heildagsferð (rúmlega) – Monestry St. Catherine
Einstök ferð á Sinaí skaga með ferju (cirka 90 mín.) frá Hurghada til Sharm El Sheikh en þaðan er ekið að einu af fjórum helgustu fjöllum Mið-Austurlanda, Mount Sinaí sem einnig er þekkt sem Mount Horeb og Jebel Musa (Fjall Móses). Á þessum stað er að finna svæði sem er mikil og viðurkenndur áfangastaður pílagríma sem m.a hýsir Klaustur Helgrar Katarínu (Monestry St. Catherine) en um þessar slóðir leiddi Móses hina útvöldu þjóð á leið hennar frá Egyptalandi til fyrirheitna landsins. Þegar Móses kom aftur tilbaka birtist Guð honum og á þeim stað sem nú í dag hýsir klaustrið er talið að Móses hafi tekið á móti Boðorðunum en þessi frásögn er helg og rétt í hugum kristina manna, gyðinga og múslima sem jafnt

Klaustrið var upphaflega byggt skv. tilmælum frá Helenu sem var móðir Konstaníusar Keisara í Róm og var þá hugsuð sem Kapella Hins Brennandi Runna. Síðar meir var byggt meira mannvirki með fjárstuðningi og velvild Justinian Keisara í Byzantium sem vildi tryggja starfandi munka og trúariðkendur og vernda þá fyrir árásum trúleysingja. Sagan segir okkur að þáverandi æðsti maður trúaðra í klaustrinu hafi þegar varnir þess voru að bresta náð að koma boðum til Múhameðs spámanns og biðja hann um vernd sem hann veitti fúslega þar sem hann viðurkenndi þá sem bræður í trúnni

Klaustrið er talið hafa tekið nafn sitt eftir Heilögu Katarínu sem Rómverski keisarinn Maximinus Daia lét taka af lífi fyrir trú sína. Sagan segir að lík hennar hafi verið flutt í faðmi Engla og eru hennar menjar að finna í Basilíku klaustursins

Einnig er að finna í klaustrinu eitt stærsta safn skreyttra handrita (það stærsta er í Vatikaninu) en safnið samanstendur af 4.500 bindum af Grískum, Koptískum, Arabískum, Armenískum, Hebreskum, Slavneskum, Sýríiskum, Gregorískum og öðrum ótöldum tungumálum

Aðrar ferðir
Auk þessara ferða eru í boði aðrar ótilgreindar ferðir en þar má m.a nefna 2-daga ferð til Abu Simbel með næturgistingu, 4 daga sigling á Níl með viðkomu á nokkrum öðrum stöðum líkt og Edfu og flr., sértækar köfunarferðir, 2,3 eða 4-daga ferðir til Kairó með heimsókn til Pýramidana Miklu, Alexandríu og margt flr

Þegar rætt er um heildagsferðir þá er almennt m.v 6-8 tíma ferðir þannig að RÚMLEGA heildagsferðir tákna ferðir sem geta verið allt að 10-11 tímar. Þó er ævinlega miðað við það að þátttakendur í slíkum ferðum séu ekki yfirkeyrðir enda þá oftar en ekki sem töluverður tími er notaður í akstur milli staða enda vegalengdir miklar í Egyptalandi