Egyptaland

Flugið er til Egyptalands ýmist eingöngu frá Keflavík eða með millilendingu á Akureyri, bæði á leiðinni utan sem og á leiðinni tilbaka. Flogið er til Hurghada sem er við Rauða Hafið. Í Hurghada fara úr þeir farþegar sem hafa valið sér að dvelja þar alla ferðatímann og nýta sér úrval þeirrar afþreyingar og skoðunarferða sem þar verða í boði og eru útlistaðar hér síðar sérstaklega. Síðan er flogið áfram til Kairó, skammt frá Sínaí skaga og Sues skurðinum

Á báðum stöðum eru farþegar sóttir á flugvöll af fararstjóra og ekið með þá í loftkældum rútum frá flugvelli á viðkomandi hótel / gististaði sem og tilbaka á flugvöll þegar kemur að heimflugi. Heimflug er síðan frá báðum stöðum.
 
Farþegar eru hvattir til þess að merkja farangur sinn vandlega nafni þess hótels sem fyrst er dvalið á eftir að komið er út erlendis ásamt eigin nafni og símanúmeri. Fararstjórar aðstoða við innritun farþega á öllum stöðum.

Dvalið er ávallt á 3-4 stjörnu hótelum og boðið bæði upp á Allt Innifalið (All Inclusive) ferðapakka þar sem allur matur og allir drykkir eru innifaldir í verði á viðkomandi hóteli eða gisting eingöngu með morgunverði. Öll herbergi sem okkar farþegar fá úthlutað eru með loftræstingu.

Farþegar eru hvattir til að kynna sér Skoðunarferðir sem í boði eru á báðum stöðum hér til hliðar og panta þær samhliða skráningu í ferðina. Hægt er að skrá sig einnig í einstakar ferðir eftir á. Vinsamlegast athugið að ferðaskrifstofan áskilur sér rétt til þess að fella niður einstakar ferðir sé ekki næg þátttaka sem og að bæta við nýjum skoðunarferðum sem verða þá kynntar sérstaklega til farþega með rafrænum hætti.

Fararstjórn er íslensk en að auki fylgir í flestum ferðum einnig enskumælandi leiðsögumaður.

Sjá nánari lýsingu á þessari ferð hér til hliðar.

Nákvæmar tímasetningar fyrir næstu hópferð væntanleg. Verð verða birt síðar. Áhugasamir eru hvattir til að skrá sig á póstlista okkar og merkja þar sérstaklega við þessa ferð þannig að þeir fái allar upplýsingar um verð og ferðatilhögun um leið og þær liggja fyrir.

Vakin er athygli á því að ef um hópa er að ræða getur ferðaskrifstofan breytt þeirri ferðatilhögun sem hér er auglýst og sett upp sérferð með viðkomu og stoppi á þeim stöðum í Egyptalandi sem óskað er eftir sem og útvegað önnur hótel eða gististaði séu séróskir um slíkt.