Ferðalýsing

1 Dagur 28 Sept. London - Tirana - Durres
Flogið frá Keflavík til London og þaðan áfram til Tirana. Frá Tirana er ekið til Durres, einnar elstu og mikilvægustu borgar Albaníu (stofnuð 627) en þar gistum við.

2 Dagur 29 Sept. Durres - Kruja - Durres
Eftir morgunverð ökum við til Kruja sem var miðstöð albönsku þjóðfrelsisbaráttu þjóðhetjunnar Scanderbegs og manna hans gegn Tyrkjum. Scanderbeg sem hét réttu nafni George Kastrioti (1403-1468), var tekinn sem barn og alinn upp af Tyrkjum í íslamskri trú. Umskírðist til kristni á fullorðnisárum. Í aldarfjórðung tókst Scanderbeg og mönnum hans að hindra sókn Tyrkja til vesturs og var að þeim sökum nefndur Verndari Kristinnar trúar. Við heimsækjum Scanderbeg safnið og Scandeberg kastala. Einnig skoðum við mjög tilkomumikið þjóðháttasafn sem er í upphaflegu 17. aldar húsnæði og gamla bazarinn - markaðstorgið. Að þessu loknu njótum við hádegisverðar í Kruja að albönskum sið. Síðan er ekið aftur til Durres.

3 Dagur 30 Sept. Durres – Ardenica – Apollonia – Vlora
Að loknum morgunverði verður haldið að Ardenica-klaustrinu. Það er talið vera byggt upphaflega á miðöldum sbr. steinahleðslu sem er dagsett 1417, en þær byggingar sem enn standa eru frá fyrri hluta 18. aldar. Í kirkjunni má njóta íkona eftir albanska listamanna og meistara, á meðal þeirra eru Athanos Zografi og Konstandin Shpataraku. Þá er talið að hetja Albana, Scandeberg sjálfur hafi gift sig í kirkjunni. Eftir heimsóknina í klaustrinu gefst farþegum kostur á að njóta hefðbundins hádegisverðar (valkvætt)

Við höldum svo áfram ferð til hinnar fornu borgar Apolloníu við Egnatia þjóðbrautina (Via Egnatia).
Apollonía var upphaflega byggð af Grikkjum frá Korinþu að sagt er árið 588 f Kr. Hún var stórborg þegar á tímum Grikkja með um 50 þúsund íbúa. Eftir að borgarbúar tóku afstöðu með Sesari í stríði hans við Pompei naut hún réttinda sem rómversk fríborg og hafði það mikla þýðingu ekki síst vegan legur borgarinnar við þjóðleiðina í austurveg. Rómverski keisarinn Águstus Oktavíus var við nám í þessari borg. Hún varð miðstöð lista allt þar til á 3. öld. Ætlunin er að skoða sögusafn sem er til húsa í fyrrum grísku rétttrúnaðarklaustri. Við höldum svo áfram til Vlora en þar gistum við

4 Dagur 1 Okt. Vlora
Eftir morgunverð heimsækjum við Sjálfstæðissafnið sem er í sama húsi og fyrsta ríkisstjórn sjálfstæðrar Albaníu hafði aðalstöðvar. Þar á eftir förum við til Radhimna strandarinnar og slöppum af í einn dag við Ionian sjóinn (Jónahaf). Gistum áfram í Vlora

5 Dagur 2 Okt.    Vlora – Saranda
Morgunverður og haldið til borgarinna Saranda. Við ökum yndislega strandleið meðfram strönd Jónahafs. Við ökum svo áfram eftir gríðarlega tilkomumikilli fjallaleið sem er í yfir 1.000 metra hæð yfir sjó. Við skoðum Llogara skarðið og virðum fyrir okkur gríðarfallegt útsýnið þar. Borðum hádegismat í bænum Saranda. Eftir hádegi slöppum af við Ksamil strönd en hún er talin ein fallegasta strönd Albaníu. Borðum kvöldmat á hefðbundnum veitingastað um kvöldið og gistum i Saranda þá um nóttina

6 Dagur 3 Okt.    Saranda – Butrint - Saranda
Morgunverður. Þessi dagur verður helgaður ferð til fortíðar og hápunktur hans er þegar við skoðum hina fornu borg Butrint sem er á lista UNESCO sem sameiginlegur menningararfur. Á tímum forn Grikkja var borgin grísk nýlenda. Rómverjar felldu ást til hennar og enn fleiri þjóðir girntust hana eins og rannsóknir fornleifafræðinga á þykkum mannvistarlögum hafa leitt í ljós. Hún stendur á fögru nesi, umlukin litríkri flóru. Að loknum miðdegisverði verður stund til sólbaðs eða annarar gerðar letilífs á Ksamil ströndinni. Gistum áfram í Saranda

7 Dagur 4 Okt.    Saranda - Finiq - Bláa augað - Gjirokastra
Eftir morgunmat heimsækjum við Finiq hina fornu höfuðborg Epirus. Síðan skoðum við Gjirokastra, fornan bæ á minjaskrá UNESCO enda gríðarlega fallegur og með mjög sérstæðar byggingar. Borgin stendur við Dinoána, í samnefndum dal og yfir henni gnæfir kastali frá tímum Ottómana. Borgin er eitt stórt safn og þykir bæði fögur og sérstæð fyrir sinn sérstaka og einstaklega vel varðveitta Ottómanska arkitektúr en stundum er borgin nefnd ,,þúsund trappa borgin”. Við munum heimsækja kastalann og skoða vopnasafn hans. Kastalinn geymir ekki aðeins vopn frá fyrri heimstyrjöld heldur er þar fimmta hvert ár haldið landsmót tileinkað þjóðlagatónlist og dansi. Við munum síðan skoða náttúrfyrirbæri sem er kallað Bláa augað. Um kvöldið borðum við kvöldmat og gistum í Gjirokastra

8 Dagur 5 Okt.    Gjirokastra - Berat
Að loknum morgunverði ökum við til Berat. Berat er ein fallegasta borg Albaníu og stendur á bakka Osumárinnar við rætur Tomorri fjalla. Borgin er enn ein perla Ottómansks arkitektúrs og stundum nefnd borg hinna þúsund glugga. Þar má finna ýmis menningaráhrif samankomin í einni og sömu borginni, en borgin er nær öll hvít og er þekkt fyrir sín sérstæðu hús með hina mörgu glugga. Berat er meira en 2.400 ára gömul og var henni komið á fót á 3. öld fyrir Krist af Illyrian ættflokknum frá mið Albaníu. Árið 1417 var borgin hertekin af Tyrkjum sem bættu við hana fjöldann allann af Moskum. Steinilagðar þröngar götur einkenna borgina og er því einkar skemmtilegt að rölta um borgina og hverfa aftur í tímann í huganum

Einnig heimsækjum við Onufri kastalann sem gnæfir yfir borgina. Kastalinn er að því leiti merkilegur að þar innan virkismúranna býr enn fólk í sömu húsum og forfeður þeirra fyrr á öldum. Innan virkisveggja voru fjölmargar kirkjur. Sjö þeirra standa enn, þar af hefur einni verið breytt í safn- Onufri. Onufri var albanskur íkona málari á 16. öld og þótti mikill meistari í þessari list enda má enn sjá fjölmarga íkona hans í kirkjum bæði í Albaníu og Grikklandi. Eftir skoðunarferðina er haldið á valinn veitingastað til að njóta hádegisverðar þar sem þekktustu og bestu réttir borgarinnar eru bornir fram svona til að gleðja okkar bragðlauka. Við gistum svo um nóttina í Berat

9 Dagur 6 Okt.    Berat - Tirana
Fyrri hluti dags verður helgaður helstu perlum höfuðborgaarinnar. Við heimsækjum Ethem bej moskuna, Klukkuturninn, skoðum litríkar byggingar og einnig lítum við inn á Þjóðminjasafn Albana. Við heimsækja híbýli listmálarans Sali Shijaku sem býr í einu elsta húsi borgarinnar. Það var reist á 15. öld sem tyrkneskt sjúkrahús. Á veggjum þessa sögulega húss hanga verk Salis. Þá munum við skoða hverfið þar sem kommúnista elitan bjó, en það hverfi er eitt það nútímalegasta í dag.  Gistum í Tirana

10 Dagur 7 Okt.    Tirana - London
Eftir morgunverð er haldið út á flugvöll þar sem leiðin liggur aftur til London. gist er í London yfir nóttina.